लाडक्या बहिणींनो सप्टेंबर महिन्याचा हप्ता खात्यात जमा होण्यास सुरुवात – तुमच्या खात्यात आले का असे तपासा

Ladki Bahin Yojana September 2025 Installment – महाराष्ट्रातील लाखो महिलांसाठी एक आनंदाची बातमी आहे. मुख्यमंत्री माझी लाडकी बहीण योजना अंतर्गत सप्टेंबर महिन्याच्या ₹1500 सन्मान निधीचे वितरण आजपासून सुरू होत आहे. महिला आणि बालविकास मंत्री आदिती तटकरे यांनी याबाबत मोठी घोषणा केली असून, पात्र लाभार्थ्यांच्या आधार संलग्न बँक खात्यांमध्ये पुढील दोन ते तीन दिवसांत रक्कम जमा होईल, अशी माहिती त्यांनी दिली आहे.

लाडक्या बहिणींना मिळणार 1 लाखाचे बिनव्याजी कर्ज

तटकरे यांनी सांगितले की, महिला सक्षमीकरणासाठी ही योजना एक प्रभावी उपक्रम आहे आणि राज्यभरातील लाखो लाडक्या बहिणींच्या खात्यात दर महिन्याला सन्मान निधी पोहोचवण्यासाठी शासन वचनबद्ध आहे. तसेच सर्व लाभार्थी महिलांनी येत्या दोन महिन्यांत E-KYC प्रक्रिया पूर्ण करणे अत्यंत आवश्यक असल्याचेही त्यांनी स्पष्ट केले.

घरबसल्या E-KYC कशी करावी यासाठी खालील लेख वाचा

Ladki Bahin Yojana eKYC Online Process – मुख्यमंत्री माझी लाडकी बहीण योजना ई-केवायसी कशी करायची; पाहा live Video

E-KYC म्हणजे लाभार्थी महिलांना स्वतःची माहिती भरून आधार पडताळणी करावी लागते. तसेच पती किंवा वडिलांच्या आधार क्रमांकाची पडताळणीही अनिवार्य आहे. शासनाने यासाठी दोन महिन्यांचा कालावधी दिला असून, ज्यांनी E-KYC प्रक्रिया पूर्ण केली नाही, त्यांना पुढील महिन्यांपासून निधी मिळणार नाही.

तुमच्या बँक खात्यात पैसे आले आहेत का? असे तपासालाडकी बहीण योजनेचे पैसे जमा झाल्यास लाभार्थी महिलेला तिच्या बँकेकडून एसएमएस (SMS) येईल. जर एसएमएस आला नसेल तर पुढील पर्यायांद्वारे तपासणी करू शकता —

लाडकी बहीण योजनेचे पैसे जमा झाल्यास लाभार्थी महिलेला तिच्या बँकेकडून एसएमएस (SMS) येईल. जर एसएमएस आला नसेल तर पुढील पर्यायांद्वारे तपासणी करू शकता —

• बँकेच्या बॅलन्स चेक क्रमांकावर एसएमएस पाठवून खाते शिल्लक जाणून घ्या.
• टोल फ्री क्रमांकावर मिस्ड कॉल करून शिल्लक तपासा.
• जर तुमच्याकडे स्मार्टफोन असेल आणि तुम्ही नेट बँकिंग, Google Pay, PhonePe सारख्या ॲप्सचा वापर करत असाल, तर त्यावरून सुद्धा खाते तपासू शकता.
• डेबिट कार्ड असल्यास जवळच्या ATM मध्ये जाऊन लास्ट ट्रान्झॅक्शन हिस्ट्री पाहा.
• तसेच तुम्ही थेट बँकेत जाऊन चौकशी करूनही पैसे जमा झाले आहेत की नाही हे तपासू शकता.

आदिती तटकरे यांचे विधान

मंत्री आदिती तटकरे म्हणाल्या की, “महाराष्ट्रातील माता-भगिनींच्या अखंड विश्वासाने सुरू असलेली सक्षमीकरणाची क्रांती यशस्वीपणे पुढे चालली आहे. आम्ही सर्व पात्र महिलांना वेळेवर सन्मान निधी पोहोचवण्यासाठी कटिबद्ध आहोत. महिलांनी तात्काळ E-KYC प्रक्रिया पूर्ण करावी, ही नम्र विनंती आहे.”

निष्कर्ष

मुख्यमंत्री माझी लाडकी बहीण योजना ही महाराष्ट्रातील महिलांच्या आर्थिक सक्षमीकरणाचा नवा अध्याय ठरली आहे. सरकारकडून सप्टेंबर महिन्याच्या निधीचे वितरण सुरू झाले असून, पात्र महिलांच्या खात्यात लवकरच रक्कम जमा होणार आहे. महिलांनी शासनाच्या अधिकृत संकेतस्थळावरून E-KYC प्रक्रिया पूर्ण करून या योजनेचा लाभ सतत मिळवत राहावा.