Home Loan Interest Rate: घर खरेदी करणं हा प्रत्येकाच्या आयुष्यातला मोठा निर्णय असतो, आणि त्यासाठी बहुतेक जण Home Loan चाच आधार घेतात. जर तुम्हीही सध्या घरासाठी कर्ज घेण्याच्या विचारात असाल, तर एक चांगली बातमी तुमच्यासाठी आहे.
काही बँकांनी गृहकर्जाचे Loan Interest Rate चांगलेच खाली आणले असून, आता 7 टक्क्यांपासूनच कर्ज मिळू शकतंय. सरकारी बँकांनी यात आघाडी घेतल्याचं दिसतंय.
सरकारी बँकांचे व्याजदर किती?
26 ऑगस्टच्या पैसा बाजार या पोर्टलवरील माहितीनुसार, बँक ऑफ महाराष्ट्र आणि सेंट्रल बँक ऑफ इंडिया या दोन बँका सध्या सर्वात कमी म्हणजे 7 टक्के दरानं गृहकर्ज देत आहेत. याशिवाय बँक ऑफ इंडियाचा सुरुवातीचा दर 7.10 टक्के इतका आहे.
UCO बँक आणि यूनियन बँक ऑफ इंडिया या दोन्ही बँकांमध्ये सुरुवातीचा व्याजदर साधारण 7.15 टक्क्यांच्या आसपास आहे. कॅनरा बँकेच्या Loan Amount बाबतीत मात्र थोडी वेगळी रचना दिसते
30 लाखांपर्यंतच्या कर्जासाठी दर 7.25 टक्के आहे, तर 75 लाखांपेक्षा जास्त रकमेच्या कर्जावर हाच दर 7.15 टक्क्यांवर येतो. म्हणजे मोठ्या रकमेचं कर्ज घेणाऱ्यांना इथे थोडा फायदा होऊ शकतो. देशातील सर्वात मोठी बँक असलेल्या स्टेट बँक ऑफ इंडियाचा गृहकर्जाचा Interest Rate 7.25 टक्क्यांपासून सुरु होतो.
खासगी बँका आणि Housing Finance कंपन्यांचं काय?
खासगी क्षेत्रात पाहायचं झालं तर साऊथ इंडिया बँक सध्या सर्वात स्वस्त पर्याय ठरतेय, तिचा दर 7.25 टक्क्यांपासून सुरु होतो. कर्नाटक बँक 7.48 टक्के दरानं कर्ज देतेय. मोठ्या खासगी बँकांबद्दल बोलायचं झालं तर आयसीआयसीआय बँकेचा दर 7.55 टक्के, एचडीएफसी बँकेचा 7.75 टक्के, तर Axis बँकेचा दर 8 टक्क्यांच्या आसपास आहे. आरबीएल बँकेचा दर मात्र सर्वात जास्त, म्हणजे 9 टक्के इतका आहे.
केवळ बँकाच नाही, तर Housing Finance कंपन्याही स्पर्धेत उतरल्या आहेत. एलआयसी हाऊसिंग फायनान्स 7.15 टक्के दरानं कर्ज देतेय, तर बजाज हाऊसिंग फायनान्सचा दर 7.25 टक्के आहे. आयसीआयसीआय होम फायनान्सचा दर 7.50 टक्क्यांपासून सुरु होतो, आणि पीएनबी हाऊसिंग फायनान्सकडून 30 लाखांच्या कर्जासाठी सुरुवातीचा दर 7.75 टक्के आकारला जातोय.
गृहकर्ज घेण्यापूर्वी या गोष्टी लक्षात ठेवा
आता इथे एक महत्त्वाचा मुद्दा समजून घ्यायला हवा – जाहिरातीत दाखवलेला सर्वात low Interest Rate प्रत्येकालाच मिळेल असं नाही. बँका किंवा Housing Finance कंपन्या कर्ज मंजूर करताना अर्जदाराचा Credit Score, उत्पन्न, नोकरीची स्थिरता आणि Loan Amount अशा अनेक गोष्टी तपासतात, आणि त्यानुसारच अंतिम व्याजदर ठरतो. त्यामुळे केवळ जाहिरातीवर विश्वास न ठेवता, वेगवेगळ्या बँकांच्या ऑफर्सची स्वतः तुलना करणं गरजेचं आहे.
तसंच फक्त व्याजदराकडे बघून निर्णय घेऊ नका. Processing Fee, इतर लपलेले चार्जेस आणि संपूर्ण कर्जकाळात भरावं लागणारं एकूण व्याज हेदेखील तपासा. दीर्घ मुदतीच्या गृहकर्जात व्याजदरातला अगदी छोटासा फरकसुद्धा पुढे जाऊन मोठा फटका देऊ शकतो. आणि हो, कर्ज घेण्यापूर्वी तुमचा Credit Score चांगला ठेवणं हे कमी व्याजदर मिळवण्यासाठी सगळ्यात महत्त्वाचं पाऊल ठरतं.
थोडक्यात सांगायचं तर, सध्या गृहकर्जाचं मार्केट तुलनेनं स्वस्त आहे आणि सरकारी बँका यात पुढे आहेत. पण अंतिम निर्णय घेण्यापूर्वी किमान तीन-चार बँकांचे दर, अटी आणि शुल्क याची नीट पडताळणी करूनच पुढे जा.