Solar Spray Pump : आजच्या काळात शेतीमध्ये पर्यावरणपूरक आणि खर्चविरहित तंत्रज्ञानाची नितांत गरज निर्माण झाली आहे. महाराष्ट्र शासनाने शेतकऱ्यांसाठी सौरऊर्जेवर चालणाऱ्या फवारणी पंपांसाठी विशेष योजना सुरू केली असून, या अंतर्गत पात्र शेतकऱ्यांना 90% पर्यंत अनुदान देण्यात येत आहे. ही योजना शेतीतील इंधन खर्च कमी करून शेतकऱ्यांना आर्थिक दृष्ट्या सक्षम बनवण्यास मदत करत आहे.
Solar Spray Pump चे फायदे
- फक्त एकदाच गुंतवणूक करून अनेक वर्षे मोफत ऊर्जा
- डिझेल किंवा वीजेवरील खर्च पूर्णतः वाचतो
- देखभाल खर्च कमी आणि आयुष्य जास्त
- दुर्गम भागात वापरण्यास सुलभ
- कार्बन उत्सर्जन शून्य असल्यामुळे पर्यावरणपूरक
सौर फवारणी पंप योजनेअंतर्गत मिळणारे अनुदान
महाराष्ट्र शासनाच्या महाडीबीटी पोर्टल च्या माध्यमातून Solar Spray Pump योजना राबवली जाते. या योजनेअंतर्गत खालील प्रमाणात अनुदान दिले जाते:
- अनुसूचित जाती / जमाती, महिला शेतकरी, लघु आणि सीमांत शेतकरी – 90% ते 100% पर्यंत अनुदान
- इतर सर्वसामान्य शेतकरी – 70% पर्यंत अनुदान
मोबाईलवरून अर्ज करण्याची संपूर्ण प्रक्रिया
- मोबाईलमधील Google Chrome किंवा तुम्ही जे वापरत असाल ते ब्राउझर ओपन करा.
- mahadbt farmer login असे सर्च करा आणि AgriLogin – Maha DBT https://www.mahadbt.maharashtra.gov.in लिंकवर क्लिक करा.
- वेबसाइट स्क्रोल करून सूचना वाचून ‘OK’ करा.
- तुमचा Farmer ID टाका. माहित नसल्यास आधार क्रमांक टाकून OTP द्वारे तो मिळवता येतो.
- OTP टाकून लॉगिन करा.
- लॉगिननंतर “घटकासाठी अर्ज करा” या पर्यायावर क्लिक करा.
- कृषी यांत्रिकीकरण > कृषी यंत्र अवजार खरेदीसाठी अर्थसहाय्य > मनुष्यचलित औजारे > पिक संरक्षण औजारे > सौरचलित नॅपसॅक फवारणी पंप निवडा.
- सर्व पर्याय भरून ‘जतन करा’, नंतर ‘अर्ज सादर करा’ वर क्लिक करा.
- नंतर अर्ज फी ₹23.60 ऑनलाईन पेमेंट करा (QR कोड वापरणे सोपे).
- अर्जाची पावती प्रिंट किंवा PDF मध्ये सेव्ह करून ठेवा.
आवश्यक कागदपत्रांची यादी
- आधार कार्ड
- सातबारा उतारा (७/१२)
- बँक पासबुक आणि IFSC कोड
- शेतकऱ्याचा फोटो
- सामूहिक शेती असल्यास गटाची माहिती आणि सहमतीपत्र
कोणासाठी ही योजना फायदेशीर
- दुष्काळग्रस्त भागातील शेतकरी
- वीजेची उपलब्धता कमी असलेले गाव
- आर्थिक दृष्ट्या दुर्बल शेतकरी
- महिला शेतकरी, अनुसूचित जाती-जमातीतील लाभार्थी